2006-жылдан бери «Таалим-Форум» коомдук фондунун уюштуруучусу жана директору. Билим берүү жана туруктуу өнүктүрүү тармагы боюнча эксперт. Системалуу/туруктуу өнүктүрүү жаатында илимдин магистри даражасын (Улуу Британия) алган, Кыргыз улуттук университетинде тарых жана социология боюнча билим алган, АКШнын Корнелл университетинде социология боюнча жана Баффало университетинде гендердик изилдөөлөр боюнча стажировкадан өткөн.

Кыргыз улуттук университетинде, Борбордук Азиядагы Америка университетинде окутуучу болуп эмгектенген. «Сорос-Кыргызстан» фондунун гендердик программасы боюнча иш жүргүзгөн, Дүйнөлүк банктын жогорку билим берүү боюнча долбоорунун кеңешчиси, АӨБнын балдарды жаштайынан өнүктүрүү боюнча долбоорунун эксперти, АӨБнын кол өнөрчүлүктү өнүктүрүү долбоорунун мониторинг жүргүзүү боюнча кеңешчиси, мугалимдер жана балдарга арналып басылып чыккан китептердин автору.  

15 жылга чамалуу  Кристенсен Фондунун (Калифорния, Сан-Франциско) Борбордук Азия программасынын атайын кеңешчиси, «Көчмөндөр дүйнөсүнүн эли» программасынын жетекчиси  жана аймактык координатору катары гранттарды башкаруу, баалоо, жана мониторинг жүргүзүү, инновациялык моделдерди кеңейтүү, тармактарды түзүү, биомаданий ар түрдүүлүктү сактоо боюнча билимдер менен алмашуу жана мобилизациялоо, түпкү элдердин укуктарын коргоо, Борбордук Азиядагы аялдар жана жаштардын лидерлиги жаатында чоң тажрыйбасы бар.

Ага Хан «Адам таануу» долбоорунун (АКХП, Душанбе, Тажикстан) университеттик долбоорлорунда мугалимдердин кесипкөйлүгүн өнүктүрүү программасынын жетекчиси, Борбордук Азиядагы университеттерде сабак аралык курстарды иштеп чыгуу жана ишке ашыруу боюнча жетекчи болуп 5 жыл эмгектенген. Кыргызстандын мамлекеттик университеттеринде окутуучу катары 18 жыл эмгектенген. Тарых илимдеринин кандидаты, Кыргызстан эл аралык университетинин эл аралык мамилелер боюнча магистратурасын жана Кыргыз улуттук университетинин тарых факультетин бүтүргөн.

Жергиликтүү жамааттарды өнүктүрүү,  билим берүү жана маданий демилгелерди өнүктүрүүгө салым кошкон, жаштар менен аялдарга өзгөчө көңүл бурган коммерциядан тышкары уюмда 4 жыл иштеген.

Ар түрдүү изилдөө долбоорлорунда, баалоо жана мониторинг жүргүзүү иштерине катышкан.

Борбордук Азиядагы Америка университетинен Экономика боюнча бакалавр даражасына (2015), Кыргыз улуттук университетинен социология боюнча магистр даражасына (2021) ээ болгон.

Билим берүү мультимедиалык платформаларды иштеп чыгуу жана жайылтуу боюнча 5 жылдан ашык тажрыйбасы бар, мектеп жана ЖОЖ мугалимдери үчүн МКТ көндүмдөрүн жогорулатуу боюнча тренингдерди өткөрүү. Калк арасында коммуникацияны жакшыртуу жана билим берүү демилгелери аркылуу биомаданий ар түрдүүлүктүн баалуулуктарын сактоого багытталган долбоорлордогу ишке ашыруу тажрыйбасы бар.  

И.Раззаков атындагы Кыргыз мамлекеттик техникалык университетинин «Телематика» багыты боюнча Кыргыз-Герман техникалык институтун бүтүргөн.

2004-жылдан бери «Анахита» коомдук уюмунун директору (Тажикстан). Эл аралык жана жергиликтүү бейөкмөт уюмдар менен, мисалы, USAID жана Кристенсен Фонду сыяктуу эл аралык донорлор менен иштөө боюнча 20 жылдан ашык тажрыйбасы бар. Программалар аркылуу Анахита ар кандай долбоорлорду координациялады, анын ичинде алыскы айыл жерлеринде билим берүү боюнча изилдөөлөр, айылдык аялдарды колдоо жана түпкүлүктүү жамааттардын биомаданий укуктарын коргоо. Тажик мамлекеттик университетинин лингвистика факультетин бүтүргөн жана учурда юриспруденция тармагында окуусун улантууда.

Монголиядагы “Көчмөн жаратылышты коргоо” коммерциялык эмес уюмунун төрагасы жана программалык координатору, билим берүү мекемелери, жергиликтүү өз алдынча башкаруу органдары жана эл аралык уюмдар менен кызматташат, Монголиянын Улуттук университетинде биология илимдери боюнча магистр даражасына ээ. Ал Монгол мамлекеттик педагогикалык университетинин билим берүү факультетинин (2018-жылдан азыркы учурга чейин) катышуусу менен экологиялык билим берүү программасы боюнча PhD докторанты. Төмөнкү багыттар боюнча тажрыйбасы бар: изилдөө; айыл мектептери үчүн билим берүү программалары; туруктуу жашоого жетишүүдө малчылардын жамааттарына жана аялдарга жардам көрсөтүү; окуу материалдарын жана китептерди басып чыгаруу ж.б.

Йорк университетинде (Канада) илимий кызматкер,Коомдук жана гуманитардык илимдер изилдөө кеңешинин (SSHRC) изилдөөчүсү/көп долбоорлордун координатору. Тажикстандын, Эстониянын жана Улуу Британиянын өкмөттөрү үчүн билим берүү саясаты боюнча консультацияларды берген; Борбордук Азия университетинже жана Оксфорд университетинде (Улуу Британия) билим берүүнү башкаруу боюнча 10 жылдан ашуун тажрыйбага ээ, анын ичине окутуу жана өнүктүрүү, конференциялар жана билимдерди жайылтуу кирет. Ал Канаданын Торонто университетинде Салыштырмалуу жана Эл аралык жогорку билим берүү боюнча PhD даражасына ээ.

Консультативдик кеңеш долбоорду ишке ашырууда эксперттик колдоо көрсөтүү максатында түзүлгөн. Консультативдик кеңештин компетенциясына долбоордун стратегиясын иштеп чыгууга колдоо көрсөтүү жана долбоорду ишке ашыруунун жүрүшүндө аны тактоо боюнча сунуштар кирет; билим берүү саясаты; мектеп аралыктан билим берүү; сапат жана аралыктан билим берүү үчүн бирдей мүмкүнчүлүк; билимди мобилизациялоо; аралыктан билим берүүдөгү инновациялар; саясий сунуштар жана долбоордун туруктуулугу; Долбоордун отчетторуна киргизүү жана кайтарым байланыш менен камсыз кылуу. Консультативдик кеңештин мүчөлөрү үзгүлтүксүз жыйындарга (онлайн жана оффлайн) катышат.